du meinst noch weiter rechts als rechts???


De Zigge von ALDI
Freidaach is, draußen is heeß,
Oma nischd zu machen weeß,
off de Inserade in der Zeidung schdiert,
ooch bei -> "Aldi informiert"

Off ema wird se helle wach -
"Mensch, das isses Angebod vom Daach!"
schbringd off, ziehd ihre Latschn über,
geht midd dor Zigge zu Aldi nüber.

Se wackeld durschn Schdaddvorgehr,
de Zigge zerrd se hindorher,
direkt beim ALDI Nord mit rinn
wo werd hier ´ne Verkäuferin sinn?

Dor Ladn is gerammeld voll,
jedor schubsd un drängeld doll,
De Zigge schdreigd un bleibd glei schdehn,
De Oma brüllt: habbdor en Bogg gesehn?

De Verkäuferin meggort Oma aus,
"Das sächsisch hält doch keiner aus!"
Drum hold se glei noch een vom Lande,
der den Dialeggd vorschdehn gannde.

Gommd widder in den Ladn nein-
un dengd sisch noch: das kann nicht sein!
im Laden is dor Deifl los,
Dor Offruhr is schon mächdisch groß.

Alle Leide grabschn nach dor Zigge,
De Gindor machen e Gequieke,
De Zigge gonnde Knifften glaun
un middm Schwanz n Semf droffhaun.

De Verkäuferin und dor säggsche Mann
Gomm endlisch bei dor Oma an,
Un er fraachd se im Dialeggd
Ob in ihrm Gobb noch noch Herne steggd.

Was soll de Zigge hier im Markde?
Warum se die nich draußen pargde?
Das geht Oma am Arsch vorbei-
"Her midd dem Bogge abbor glei!"

Dor Mann der ziehd nu e Gesischd
"Sowas hammer hier doch nischd!
E Ziggnbogg- oh nee, oh nee,
wie gommd die Alde of die Idee?"

Der Oma flieschd dor Voochel naus
unn zerrd ooch glei de Zeitung raus
fraachd den Mann nu gar nisch lieb:
"Gannsde nisch läsen, Du Daachedieb?

Aldi-Sonderangebote
Ofenfrische Bauernbrote,
Buttermilch und Knoblauchquark
und Ziegen-Decken, dreißig Mark!"